Evento organizado coa participación da Área de Cultura de Universidade de Santiago de Compostela
O vínculo indisoluble que une Pistoia e Santiago de Compostela nun só camiño en nome do apóstolo Santiago o Maior, ou San Xacobe, remóntase a 1145, cando o bispo de Vallombrosan Atto fixo traer a Pistoia unha reliquia do corpo do santo, precisamente unha partícula do óso do cranio, doada a Pistoia polo arcebispo de Compostela.
Para protexer a preciosa reliquia da cabeza do santo, construíuse o Altar de Prata, o monumental mobiliario litúrxico situado no interior da Catedral de San Zeno en Pistoia no que traballaron 5 xeracións de ourives - do século XIII ao XV - e moi importante no Camiño dos peregrinos que saían de Pistoia cara a Santiago de Compostela.
A exposición é unha emocionante experiencia artístico - relixiosa fronte a esta obra, unha iniciativa que achegará aos visitantes ao descubrimento de Pistoia, unha marabillosa cidade toscana, que convida a todo o mundo a descubrir as súas innumerables belezas e tesouros escondidos.
O horario de visita a partir do día da inauguración será de 11.00 a 14.00 e de 17.00 a 21.00 horas, de luns a sábado, entre o 10 de xullo e o 28 de agosto.