O reitor Antonio López preside o acto académico no Salón de Graos
O Salón de Graos da Facultade de Farmacia é o escenario que acolle este mércores 20 a partir das 12.30 horas o acto académico que abrirá o reitor Antonio López, con motivo da festividade da Inmaculada, patroa do centro. A seguir, a secretaria da Facultade, Matilde Casas, lerá a Memoria Académica 2022-23 e despois procederase a entregarlle a insignia de ouro da Facultade ao persoal xubilado do curso pasado e entregaranse tamén os diplomas ás persoas que se doutoraron no curso 2022-23.
A continuación, a profesora Beatriz Brasa pronunciará a conferencia 'Breve historia dos estudos de Farmacia en Santiago de Compostela' e a representante de Bancofar Sonia Fernández entregará os premios do IX Concurso de ideas para portada de Traballos de Fin de Grao da Facultade, patrocinado pola entidade. Tamén se entregará o premio do I Concurso de ideas para a felicitación de Nadal da Facultade.
O acto rematará coa intervención da subdirectora xeral de Farmacia da Consellería de Sanidad, Silvia María Reboredo, tras a cala falará a decana da Facultade de Farmacia, Reyes Laguna Francia e clausurará o acto o reitor Antonio López.