A vicerreitora de Titulacións e Internacionalización, María José López Couso, presidirá o acto académico
O sábado 3 de xuño, ás 12.00 horas, o Centro Superior de Hostalaría de Galicia acollerá o acto de graduación da novena promoción de Diploma Superior en Xestión Hostaleira e da sétima e última promoción de Diploma de Gastronomía e Xestión en Cociña.
Participará como madriña da promoción de Xestión Hostaleira, Luisa Lorenzo, responsable do hotel Quinta da Auga, e como padriño da promoción de Gastronomía , Xosé Torres Vieira, responsable do restaurante Pepe Vieira.
O Centro Superior de Hostalaría de Galicia (CSHG) é un centro de ensino universitario adscrito á USC que forma o estudantado na dirección hostaleira e a xestión en cociña cunha metodoloxía moderna e eficaz, coa que acadar os máis altos niveis de profesionalidade activa na súa futura profesión.