O decano da Facultade de Bioloxía, Jesús López Romalde, será o encargado de abrir o acto académico
O acto de graduación da oncena promoción do Grao en Bioloxía desenvolverase o venres 9 de xuño ás 18.00 horas no Restaurante Los Robles do concello de Teo.
Jesús López Romalde, decano da Facultade de Bioloxía, será o encargado de abrir este acto académico que contará tamén coas intervencións das madriñas e do padriño das promocións do XI Grao en Bioloxía e III do Doble Grao en Química e Bioloxía da USC, as profesoras Eva Mª Candal Suárez e Otilia Reyes Ferreira e o profesor Andrés Baselga Fraga. Nel participarán ademais o tesoureiro do Colexio Oficial de Biólogos de Galicia (COBGA), Fernando García Sanz e o decano da Facultade de Química, Jesús Sanmartín Matalobos.