Organizado polo LIESGA, pretende involucrar o estudantado no desenvolvemento de solucións aos retos que se nos plantexan cos Obxectivos de Desenvolvemento Sostible (ODS).
O Laboratorio Universitario de Innovación e Economía Social de Galicia (LIESGA) bota a andar o I Hackathon Social USC, unha maratón de innovación aberta que busca alcanzar unha meta común de forma colaborativa, nun período curto de tempo. Terá lugar o 4 e o 5 de marzo no Edificio Emprendia do Campus Vida.
As persoas participantes desenvolverán habilidades transversais, como a innovación e o traballo en equipo ou habilidades dixitais, todas elas competencias chave para futuros postos de traballo.
Calquera estudante da USC con ganas de aprender, compartir coñecementos e aportar valor á sociedade. Non é preciso ter coñecementos específicos nin formar parte de ningún grupo para participar. Haberá un premio para os dous mellores proxectos.
Para poder asistir, é preciso cumprimentar este formulario de inscrición antes do 25 de febreiro. O equipo organizador contactará coas persoas que cursen inscrición para confirmar a súa participación.
A actividade está limitada a 24 prazas