A Universidade de Santiago de Compostela, a Real Academia Galega de Ciencias, o Consello Xeral de Economistas, a Escola Naval Militar e o Grupo Colmeiro, organizan o vindeiro venres, día 12 de novembro, unha homenaxe ao profesor Luis Caramés Vieitez, finado o pasado 7 de xuño.
Este acto en memoria do que foi catedrático de Facenda Pública da USC comezará na Facultade de Ciencias Económicas e Empresariais ás 11.30 horas, cunha mesa redonda que tratará da situación actual e as perspectivas da economía española. Nela participarán Juan Ramón Cuadraro Roura, catedrático de Economía Aplicada, e titular da Cátedra J. Monnet “UE e Política Económica”; José Luis García Delgado, catedrático de economía Aplicada e presidente do Círculo Cívico de Opinión; José Manuel González-Páramo, catedrático de Economía Pública e ex-conselleiro executivo e e membro do Consello de Goberno do BCE. Moderará a mesa o tamén catedrático de Economía Aplicada e membro da Real Academia Galega de Ciencias, José Ramón Cancelo de la Torre.
A homenaxe continuará cun acto oficial ás 13.00 horas que contará coa presenza secretaria xeral da Universidade, Dulce María García Mella; o decano da Facultade de Ciencias Económicas e Empresariais, Xoán Ramón Doldán; o presidente da Real Academia Galega de Ciencias, Juan M. Lema Rodicio; o presidente do Consello Xeral de Economistas, Valentín Pich Rosell, e o capitán de navío e comandante-director da Escola Naval Militar, Pedro Cardona Suanzes. Durante este acto, procederase á entrega da Medalla ao Mérito da Economía a título póstumo a Luis Caramés.
O evento tamén será emitido en liña.
Posteriormente, haberá un xantar no Hotel NH Collection.
Para recibir máis información sobre a posibilidade de asistir ao acto ou ao xantar, cómpre dirixirse a: colmeiro.homenaje.luiscarames [at] gmail.com (colmeiro[dot]homenaje[dot]luiscarames[at]gmail[dot]com)
Luis Caramés Viéitez
Luis Caramés Viéitez ingresou en 2015 na Real Academia Galega de Ciencias. Exerceu como director executivo do membro do Consello Científico do Centro de Estudos Avanzados da USC; coordinador científico do Instituto de Estudos Económicos Pedro Barrié; codirector da revista Urban Public Economics Review; e membro do consello asesor de revista Facenda Pública Española.
Caramés foi decano da Facultade de Ciencias Económicas e Empresariais da USC e director do departamento de Economía Aplicada. Ademais, pertenceu á comisión nacional para a reforma de Financiamento Autonómico.