Evento organizado pola Dirección de Enfermaría da Área Sanitaria de Santiago de Compostela e Barbanza e a Facultade de Enfermaría da USC
Esta xornada, celebrada co gallo do Día Internacional da Enfermaría, servirá para intercambiar visións sobre diversos temas de interese para o persoal de Enfermaría baixo o lema "sinerxia é futuro", que fai fincapé no poder da colaboración entre profesionáis e categorías, pero tamén na necesidade de mirar cara o futuro despóis de máis dun ano de loita na crise sanitaria actual.
A xornada será un punto de encontro para todo o persoal docente e alumnado da Facultade de Enfermaría da USC e todo o persoal dependente da Dirección de Enfermaría da Área Sanitaria de Santiago de Compostela e Barbanza. Serán mesas de debate con participación diversa sobre a docencia pregrao e posgrao, as especialidades en enfermaría, a colaboración entre distintas categorías de persoal e a investigación.
O evento desenvolverase no Edificio Docente Novoa Santos, pero o seguimento da mesma será totalmente en liña. Podes anotarte a través do código QR do cartel.