O reitor Antonio López presidirá esta homenaxe do centro ao persoal xubilado di centro
A Facultade de Xeografía e Historia homenaxea o persoal que rematou os seus servizos no centro nos anos 2020, 2021 e 2022 cun acto oficial no que o reitor fará imposición das insignias da Facultade. A cerimonia terá lugar o mércores 8 de xuño ás 13.00 horas no Paraninfo da USC.
Na mesa presidencial estarán tamén o decano da Facultade de Xeografía e Historia, Marco Virgilio García Quintela; o director do Departamento de Xeografía, Rubén C. Lois González; o director do Departamento de Historia da Arte, Federico López Silvestre; e o director do Departamento de Historia, Daniel Lanero Táboas.
Na relación de persoas homenaxeadas atópanse catro docentes do Departamento de Historia da Arte: Enrique Fernandez Castiñeiras, José Manuel García Iglesias, Alfredo Vigo Trasancos e Carlos Villanueva Abelairas. A eles súmanse tres docentes do Departamento de Historia: Josefa Rey Castiñeiras, Pegerto Saavedra Fernández e Ramón Villares. Finalmente, o profesor do Departamento de Xeografía, José Manuel López Andión e a integrante do Persoal de Administración e Servizos, M Carmen López Fandiño, completan a relación de persoas que recibirán a insignia.