07.11.2024 | 14.00h
O alumno de mestrado Roberto Mourente Blanco explicará algunhas das especies vexetais ameazadas en Galicia nunha breve charla
Enmarcada no programa de actividades da ‘Semana da ciencia’, a Facultade de Bioloxía organiza unha exposición sobre a flora galega ameazada elaborada por alumnado do centro. O xoves 7 o alumno de mestrado Roberto Mourente Blanco inaugurará ás 14:00 horas a mostra cunha breve charla sobre algunhas das especies vexetais ameazadas en Galicia.
A exposición, que forma parte das exposicións EUREKA subvencionadas pola Vicerreitoría de Estudantes e Cultura, permanecerá aberta a todo o público ata o 29 de novembro no corredor principal da Facultade.