Evento organizado polo CiTIUS
O modelo de computación cuántica (QC) supón un cambio radical na forma na que desenvolvemos algoritmos. Grandes empresas como IBM, Google, Microsoft ou Alibaba, entre outras, están a investir grandes sumas no desenvolvemento de computadores cuánticos cada vez máis grandes e fiables. As grandes empresas e os gobernos ven á computación cuántica como unha das tecnoloxías disruptivas con maior potencial de crecemento e cada vez aparecen novos campos de aplicación.
Neste curso, que terá lugar os vindeiros 31 de maio e 2 de xuño, preténdese introducir os conceptos básicos da computación cuántica e os algoritmos máis clásicos dentro da QC para finalizar coa descrición de diferentes modelos de programación e algoritmos actuais, polo que non se precisan coñecementos de mecánica cuántica.
Os apuntamentos do curso, que terá lugar en liña, están dispoñibles como notebook en Gitlab.