Encontro organizado polas oficina de igualdade das tres universidades galegas, coa coordinación da oficina de Igualdade de Xénero da USC
'Medidas do Pacto de Estado contra a violencia de xénero no ámbito universitario' é o título da xornada que pecha o XIII Encontro da Rede de Unidades de Igualdade de Xénero para a Excelencia Universitaria' (RUIGEU), financiado polo Instituto da Muller e organizado pola USC, UDC e UVIGO. Terá lugar de forma virtual do 15 ao 17 de setembro, a través de Microsoft Teams.
Trátase dun espazo para compartir experiencias e boas prácticas en materia de igualdade no ámbito universitario entre as 52 universidades españolas que integran a rede RUIGEU. Por primeira vez será un encontro virtual, sendo a USC a universidade anfitrioa.