Mesa redonda ‘Bioloxía e Intelixencia artificial’

‘Bioloxía e Intelixencia Artificial’ é o título da mesa redonda que o martes 10 de xuño se desenvolverá ás 16.00 horas na Aula Magna da Facultade de Bioloxía. Nela participan Alberto José Bugarín Diz e María José Carreira Nouche, do CiTIUS; María Taboada Iglesias, da ETSE; e José Santos Reyes, da UDC.

A entrada á mesa redonda é de balde ata completar a capacidade do espazo e está aberta a toda a comunidade universitaria e ao público interesado. Trátase dunha oportunidade única, organizada en colaboración coa Facultade de Ciencias da Comunicación, para reflexionar sobre os retos e oportunidades que a intelixencia artificial presenta no ámbito das ciencias da vida.