'Modelos asistenciais e de convivencia dirixidos ás persoas maiores en Galicia: experiencias actuais'

A Cátedra Institucional Cruz Roja USC para a mellora da calidade de vida das persoas maiores abre as súas actividades do curso académico 2023-24 coa organización da mesa redonda 'Modelos asistenciais e de convivencia dirixidos ás persoas maiores en Galicia: experiencias actuais', que se desenvolverá o xoves 14 de setembro, a partir das 11.30 horas no Salón de Actos da Facultade de Psicoloxía da USC. 

Ademais das intervencións de representantes da Dirección Xeral de Maiores e Atención Sociosanitaria da Consellería de Política Social e do Consello Reitor de Ancoradoiro Sociedade Cooperativa Galega, a sesión acollerá a entrega de diplomas aos mellores TFG's e TFM's para a mellora cda calidade de vida das persoas maiores dos cursos 2020/21 e 2021/22.