Promovida pola Comisión de Xénero da Facultade de Ciencias Económicas e Empresariais
A xornada 'Mulleres na Economía' desenvolverase o vindeiro 1 de marzo a partir das 12.00 horas na Facultade de Ciencias Económicas e Empresariais da USC. A profesora Carmela Sánchez-Carreira será a encargada de moderar a mesa redonda 'Economía dos coidados', na que intervirán María Xosé Rodríguez Galdo, Nélida Lamelas e Eva Aguayo.
Dirixida a toda a comunidade universitaria, a xornada pretende dar a coñecer a investigación con perspectiva de xénero no ámbito da Economía, en particular no campo da Economía dos coidados. A Comisión de Xénero do centro promove esta actividade que forma parte do programa de accións coas que a comunidade universitaria se suma ás reivindicacións do 8M - Día Internacional das Mulleres. O acceso é libre ata completar a capacidade do Salón de actos da Facultade.