Santiago de Compostela
Salón de Actos
Varias localizacións
Máis de trescentos estudantes internacionais participan nesta competición deportiva que inclúe fútbol sala, baloncesto 3x3, voleibol e atletismo
Do 24 ao 26 de marzo, Santiago de Compostela convértese en sede dos National Erasmus Games, unha competición deportiva dirixida ao estudantado internacional da contorna estatal e ao voluntariado das diferentes asociacións que integran a Erasmus Student Network en España.
A Universidade de Santiago de Compostela, o Concello de Santiago e a Deputación da Coruña colaboran na organización deste encontro que reunirá na cidade máis de 300 participantes en catro disciplinas deportivas: fútbol sala, baloncesto 3x3, voleibol e atletismo.
O acto de inauguración dos xogos terá lugar o venres 24 de marzo ás 16.30 horas no Salón de Actos do Colexio Maior Fonseca e contará coa representación de todas as entidades participantes. O programa de competicións arranca o sábado 25 ás 9.00 horas en distintos emprazamentos da cidade como a pista de atletismo da USC, os pavillóns municipais de Santa Isabel, Pío XII e Pontepedriña, o pavillón do Colexio Plurilingüe Cluny e os dos IES Quiroga Palacios e Eduardo Pondal.
O acceso aos encontros das diferentes disciplinas é libre ata completar capacidade.