Sala de Xuntas
A Coruña pública é o resultado inicial dun proxecto colectivo de investigación que ten como obxectivo realizar unha cartografía o máis precisa posible do patrimonio público no municipio da Coruña. O proxecto foi desenvolvido entre febreiro de 2024 e xaneiro de 2025 polo equipo formado por Iago Carro (Ergosfera), Ramón Fernández (Ergosfera / Hábitat Social), Cristina Botana (USC) e Brais Estévez (UOC).
A iniciativa presentaraa Iago Carro este xoves 20, ás 19:30 horas na Sala de Xuntas do Decanato da Facultade de Xeografía e Historia, no marco do Seminario de Futuros Urbanos de ANTE e do IDEGA, nunha palestra na que conversará coas persoas tamén autoras da iniciativa Brais Estévez Vilariño e Cristina Botana Iglesias.
Iago Carro
Iago Carro é arquitecto e mestrado en urbanismo pola Universidade da Coruña (UDC) e investigador membro de Ergosfera, unha cooperativa dedicada á investigación urbana e á práctica urbanística desde 2006. Brais Estévez é ademais doutor en Xeografía pola Universitat Autònoma de Barcelona e Cristina Botana é doutora en arquitectura e urbanismo pola UDC.
