Relatorio da académica e escritora Mabel Moraña ao abeiro do ciclo 'Cultura en Mazarelos'
A profesora Mabel Moraña, titular da Cátedra William H. Gass de Humanidades na Washington University in Saint Louis, impartirá este xoves 8 de xuño ás 12.30 horas na Facultade de Filosofía a conferencia titulada 'O paradigma do afecto e as lecturas do capitalismo tardío'. O relatorio, ao abeiro da serie 'Cultura en Mazarelos' desenvolverase no Salón de Actos e a asistencia e libre ata completar a capacidade da sala.
Conferencia 'O paradigma do afecto e as lecturas do capitalismo tardío'
O chamado 'xiro afectivo' refírese á orientación crítico-teórica que resalta a importancia e instrumentalidade do afecto no coñecemento e interpretación do real, como complemento e/o alternativa á razón instrumental. A presentación elabora algunhas liñas da reflexión filosófica sobre a vida emocional, os sentimentos e as paixóns desde a antigüidade, as súas achegas modernas e a súa resignificación na posmodernidade. Así mesmo, danse algúns exemplos do rendemento teórico desta dirección crítica para a comprensión de cuestións actuais como o consumismo, a migración, o problema ecolóxico e a 'gran narrativa' da globalización, así como respecto á utilización do discurso afectivo en contextos autoritarios, populistas e, en xeral, na interpretación da especificidade do poder politico no presente.