Música de cámara de Ludwig van Beethoven (1770-1827) no 250 aniversario do seu nacemento
'Sonatas para piano' inaugurou 'Metáforas do Silencio' da man de Javier López Jorge o pasado 29 de setembro. Dada a gran demanda de reservas, terá lugar un novo pase do mesmo concerto o 8 de outubro.
Este ciclo de concertos de música de cámara de Ludwig van Beethoven pretende homenaxear ao compositor, director de orquestra e pianista alemán no 250 aniversario do seu nacemento.
A entrada é de balde, mais segundo os protocolos COVID-19, as persoas interesadas en asistir deberán reservar praza mandando un correo electrónico a area.cultura [at] usc.es (area[dot]cultura[at]usc[dot]es), indicando o seu nome, apelidos e teléfono, dende unha semana antes do concerto ata a mañá do concerto ás 12.00.