A actividade forma parte do ciclo de seminarios formativos do Grupo de Investigación Historia Moderna (GI-1921) da USC.
A Facultade de Xeografía e Historia acollerá os días 21 e 22 de abril de 2022 o Seminario Internacional “Poboación, Natureza e Clima: Desequilibrios, Impactos e Desastres (Séculos XVI-XIX)". O encontro está coordinado por Camilo Fernández Cortizo, Domingo Luís González Lopo e Hortensio Sobrado Correa e financiado polo Grupo de Investigación Historia Moderna (GI-1921) da Universidade de Santiago de Compostela.
Esta actividade presencial está recoñecida para o alumnado do programa de doutoramento en Historia, Xeografía e Historia da Arte da USC con 10 horas lectivas, así como para o do mestrado en Historia Moderna: Monarquía de España. Séculos XVI-XVIII. Asemade, haberá unha opción a distancia (a través de Microsoft Teams) para o persoal investigador de fóra da USC interesado en seguilo. En suma, a actividade está aberta a toda a comunidade investigadora.