O premio consisitirá nun paquete de apoio e asesoramento para a posta en marcha das ideas presentadas valorado en 4.500 euros
A incubadora de empresas innovadoras Uninova, a través do proxecto Spin_Up ‘Definición e implementación de núcleos locais de transferencia para a promoción de SpinOffs Universitarias e StarUps innovadoras’, impulsa un concurso de proxectos innovadores destinado a toda a comunidade universitaria galega no que se procuran ideas que propoñan solucións a necesidades actuais da industria na área de Santiago de Compostela.
As iniciativas deben estar relacionadas con catro áreas produtivas: Agro-Bio, industria alimentaria; industria da transformación 4.0; industria creativa, TIC, turismo; e saúde ou envellecemento activo. A finalidade desta iniciativa é a creación de empresas, xa sexan spin-off ou start-up, a partir da transferencia de tecnoloxía e o coñecemento.
O prazo de presentación de propostas vai desde o día 6 de xullo ata o día 30 de setembro de 2020, ambos os dous incluídos. As candidaturas, tal e como establecen as bases do certame, deberán presentarse a través desta ligazón.