Este venres 21 de xuño a partir das 12.30 horas preséntase no Salón de Graos da Facultade de Ciencias Económicas e Empresariais a nova Cátedra de Economía da Ciberseguridade USC-INCIBE e o proxecto estratéxico CIBER-ECO: Economía da
Ciberseguridade nun Contexto de Cambio Climático.
Preside o acto a vicerreitora de Política Científica, Pilar Bermejo, e asiste tamén o director do INCIBE, Félix Barrio Juárez. Así mesmo intervirán durante o evento a secretaria da Facultade de Ciencias Económicas e Empresariais María José Barcia; a codirectora da Cátedra e membro do Centro de Investigación Interuniversitario ECOBAS, María Bastida e a directora do proxecto estratéxico CIBER-ECO e directora científica do Centro de Investigación Interuniversitario ECOBAS, María Loureiro.