Presentación da Cátedra institucional USC-Plexus de intelixencia artificial aplicada á medicina personalizada de precisión

Levar a atención sanitaria á vangarda é o principal propósito da Cátedra institucional USC-Plexus de intelixencia artificial aplicada á medicina personalizada de precisión que se presenta o mércores 28 de maio ás 10.00 horas nun acto que presidirá o reitor Antonio López no Paraninfo da Universidade.

A Cátedra, creada no contexto da candidatura da USC á convocatoria de axudas ás Cátedras ENIA no marco da Axenda España Dixital 2025, está destinada a ser un acelerador e catalizador da Medicina Personalizada de Precisión a través da Intelixencia Artificial. Deste xeito, impulsará a investigación, transferencia, difusión e formación en materia de intelixencia artificial e na súa aplicación ás ciencias da saúde, en base á colaboración público-privada, situando á USC á vangarda científico-tecnolóxica neste ámbito.