O evento está organizado por Esglobal e pola Embaixada de Estados Unidos en España
O debate 'Os problemas medioambientais como retos de seguridade', será presentado polo profesor de Dereito Constitucional da USC José Julio Fernández Rodríguez e moderado por Cristina Manzano, directora de Esglobal.
Contará coa participación de Daniel González Garrido, teniente coronel e membro do cuartel xeral da UME; Montserrat Pintado Lobato, profesora de relacións internacionais na USC e Hasit Thankey, membro da División de Política e Planificación de Defensa da OTAN.
Este evento, que terá lugar a través de Zoom, forma parte do proxecto ‘Defensa e eu: o meu papel como cidadán ante as novas amenazas’, que pretende divulgar a cultura da defensa e a seguridade entre a xuventude. Se es estudante, podes anotarte nesta ligazón.