Proxección de 'Les glaneurs et la glaneuse'

Este martes 27 de febreiro o ciclo CineFilo achégase a unha das figuras máis destacadas do cinema francés, Agnès Varda. Faino da man dun dos seus filmes máis destacados, Les glaneurs et la glaneuse (Os espigadores e a espigadora), realizado en 2000. O filme simultanea a atención de Varda por xentes que viven da rebusca co seu propio interese, cinematográfico, pola rebusca de imaxes e historias, o que fai dela unha "espigadora" máis, como o mesmo título indica. Discretamente, da man dunha pequena cámara de video, Varda lévanos moito máis aló do que a un documental; ábrenos a un modo de ver o mundo.