Do 20 ao 23 de xuño, especialistas da contorna internacional en Literatura Española do Século do Ouro debaterán en Filoloxía arredor das obras do período
O Salón de Actos da Facultade de Filoloxía acollerá do 20 ao 23 de xuño o congreso 'Quevedo en tempos de Calderón. Cabaleiros da Orde de Santiago na literatura española do Século de Ouro'
Os profesores Antonio Azaustre Galiana, Santiago Fernández Mosquera e a profesora Alejandra Ulla Lorenzo conforman o comité organizador deste evento que reunirá en Compostela numerosas/os especialistas do ámbito da contorna internacional.
O acto de inauguración celebrarase o día 20 de xuño ás 9.30 horas e contará coa presenza da vicerreitora de Estudantes e Cultura, Pilar Murias Fernández; do decano da Facultade de Filoloxía, Elias Feijo Torres e da directora do Departamento de Lingua e Literatura Españolas, Teoría da Literatura e Lingüística Xeral, Belén López Meirama.
O congreso conta con financiación da Consellaría de Cultura, Educación e Universidade da Xunta de Galicia e do Ministerio de Ciencia e Innovación, alén da colaboración da Asociación Internacional do Século de Ouro (AISO).
O programa completo do evento pode ser descargado na ligazón inferior.