Esta iniciativa forma parte do Plan de Animación Sociocultural en Prisión do Centro Penitenciario de Monterroso (Lugo), coordinado pola Asociación Aliad Ultreia e o Grupo de investigación SEPA-interea da USC
'Recursos, proxectos e estratexias formativas nas prisións galegas' é o terceiro relatorio do Seminario 'Educacións en prisión. Sinerxías de acción educativa', e será impartido polo equipo ALIAD-Ultreia e o grupo de investigación SEPA-interea da USC.
Nesta segunda edición focalízase na potenciación de sinerxías no desenvolvemento de procesos educativos favorecedores da reinserción social da poboación reclusa, posto que o escenario xeral non amosa evidencias satisfactorias da capacidade re-educativa dos centros penitenciarios.
O obxectivo é, polo tanto, a reivindicación do valor máximo da educación para a reinserción, así como do recoñecemento das entidades que desenvolven o seu traballo nas prisións galegas e a necesidade de consolidar unha rede que as fortaleza.