Estas sesións son froito da colaboración entre o Grupo de Investigación Terceira Xeración da USC (TeXe), a Campaña Mundial pola Educación e Solidariedade Internacional de Galicia
O relatorio 'Educación afectivo-emocional, estamos preparadas?' fala sobre a importancia da educación afectivo-emocional para un desenvolvemento integral, a xestión de conflitos e os coidados, así como da súa integración no sistema educativo a partir da pandemia.
As VI Xornadas de Educación para o Desenvolvemento e a Cidadanía Global pretenden xerar espazos de diálogo e reflexión sobre as consecuencias e oportunidades da pandemia no ámbito da educación, xerar compromiso coa construción dunha cidadanía activa, crítica e solidaria; e dar a coñecer entre alumnado e docentes o traballo das entidades sociais galegas.
Por primeira vez, a celebración destas xornadas desenvolverase en formato virtual. A inscrición pode realizarse a través desta ligazón.