A charla dará unha visión xeral das oportunidades e retos da IA en relación co xénero.
A adopción da IA atópase baixo un hype importante, acorde ao momento disruptivo que estamos a deixar no que a IA está a xogar un papel clave para a transformación dixital. Porén, aínda que a IA é unha tecnoloxía moi potente con potencial para desenvolver moitas aplicacións para aumentar o benestar, resolver moitos retos actuais en cambio climático, medicina personalizada ou economía dixital entre outros, e construír unha sociedade mellor, hai algúns impactos en xénero que requiren atención.
A charla que dará Karina Gibert o xoves 6 ás 10.30 horas no CiTIUS dará unha visión xeral das oportunidades e retos da IA en relación co xénero. Desde a experiencia de 30 anos de investigación intensiva en IA, Karina Gibert analiza a evolución do sector e os riscos e oportunidades que expón ao redor desta materia.
Sobre a relatora
Licenciada e doutora en informática, Karina Gibert está especializada en intelixencia artificial e big data. Imparte diversas materias sobre estatística, análise multivariante, minería de datos, ciencia dos datos e sistemas intelixentes de apoio á toma de decisións na Universidade Politécnica de Cataluña-Barcelona (UPC).
É cofundadora e actual directora do centro de investigación Intelligent Data Science and Artificial Intelligence (IDEAI-UPC) e decana do Ilustre Colexio Oficial de Enxeñaría Informática de Cataluña. Tamén é asesora dos gobernos catalán, español e a Comisión Europea en cuestións de ética e IA, e é editora da revista Environmental Modelling and Software. É a directora do curso divulgativo ciutadanIA e directora académica da plataforma de formación Secret Rosies, dirixida a mozas que cursaron carreiras Steam.
Karina Gibert gañou numerosos premios entre os que destacan o Premio DonaTIC 2018, as mencións de honra do Premio Creu Casas 2021 e 2022, o Premio Ada bert 2022, o Women 2023 e o Premio Nacional de Enxeñaría Informática 2023.