Sala de Xuntas
As investigadoras lusas Ofelia Anjos, do Politécnico de Castelo Branco, e Ilda Caldeira, da Universidade de Évora, imparten este martes, a partir das 16.00 horas, na EPSE estas charlas, que tamén se poderá seguir de xeito telemático a través da plataforma Teams
As investigadoras lusas Ofelia Anjos, do Instituto Politécnico de Castelo Branco, e Ilda Caldeira, da Universidade de Évora, ofrecerán este martes, a partir das 16.00 horas, na sala de Xuntas da EPS de Enxeñaría do Campus de Lugo, dous relatorios sobre aplicacións prácticas de espectroscopia en alimentos e bebidas e sobre avellentamento da augardente.
Estas sesións, organizadas polo grupo de investigación Proxectos e Planificación (PROePLA) do Campus Terra da USC ao abeiro do programa Erasmus+ para a mobilidade de profesorado, tamén se poderán seguir de xeito telemático a través da plataforma Teams.