Sala Aresa-2
O relatorio organizado polo grupo de investigación Acuigen desenvolverase o venres 30 de xuño, a partir das 10.00 horas, na sala Aresa-2 da Facultade de Veterinaria
A profesora de Investigación do Centro de Investigación en Sanidade Animal (CISA-INIA) Carolina Tafalla, ofrecerá o venres 30 de xuño, a partir das 10.00 horas, na sala Aresa-2 da Facultade de Veterinaria do Campus Terra da USC, o relatorio titulado ‘Resposta das células B en peixes’.
Tafalla doutorouse en Bioloxía pola USC cunha tese centrouse sobre a resposta inmunitaria innata do rodaballo ao virus da septicemia hemorráxica viral (VHSV), logo de traballar durante 3 anos no Instituto de Investigacións Mariñas de Vigo (IIM-CSIC) baixo a supervisión de Antonio Figueras e Beatriz Novoa. Completada o doutoramento, Carolina Tafalla accedeu en 2002 a unha bolsa Marie Curie para realizar unha estancia dun ano no Centre de Recherche de Jouy-en-Josas(INRA, France),enfocada á bioloxía molecular de rabdovirus de peixes. Logo, tras regresar a España cun contrato Ramón e Cajal, Tafalla fundou o Grupo de Inmunoloxía e Patoloxía de Peixes no CISA, un equipo que aínda dirixe na actualidade.
Carolina Tafalla publicou máis de 130 artigos de investigación en revistas internacionais, así como 10 capítulos de libro. Tamén dirixiu 5 teses de doutoramento e presentou 4 patentes. O seu índice h é de 35.Entre outros moitos proxectos, Carolina a Tafalla concedéronlle en 2011 un proxecto ERC Starting Grant para caracterizar fenotípica e funcionalmente as respostas delas células B en peces. Anos despois, en 2017, obtivo unha ERC Consolidator Grant para continuar o seu traballo sobre os linfocitos B en peixes. Asemade, este ano acadou unha subvención ERC Proof-of -Concept para achegar ao mercado unha estratexia terapéutica contra a enfermidade renal proliferativa(PKD).