O Consello Social é o órgano de participación da sociedade galega na Universidade
O Consello Social da USC celebra o luns 27 de febreiro ás 10.00 horas unha reunión extraordinaria na Casa da Concha, que tamén poderá seguirse en liña na Sala de reunións do Edificio Intercentros do Campus de Lugo.
O Consello Social, presidido por Cecilia Sierra, é o órgano de participación da sociedade galega na Universidade que ten como finalidade impulsar a colaboración entre ambas para mellorar a calidade do servizo público da educación superior universitaria, contribuíndo ao desenvolvemento social, económico, tecnolóxico, científico e cultural de Galicia e á mellora da calidade do servizo público da educación superior universitaria.
Asemade, correspóndelle ao Consello Social a supervisión das actividades de carácter económico da Universidade e o rendemento dos seus servizos, así como promover a colaboración da sociedade no financiamento da USC.