O itinerario presenta desnivel medio e un grado de dificultade tamén media
O programa de sendeirismo da Área Deportiva inclúe por primeira vez unha viaxe ao concello de Avión para facer unha ruta circular duns 17 quilómetros de lonxitude que comeza e remata na capital do concello. É un itinerario de paisaxe diversa, que pasa por zonas altas de pastos que proporcionan fermosas vistas sobre a comarca, bosques dunha enorme beleza e tramos de río moi ben conservados. Os camiños en xeral son bastante bos, pero pode haber lama en caso de choivas. Un pequeno tramo pasa preto do encoro de Albarellos, creado no seu día para a produción de electricidade.
A expedición partirá o 25 de febreiro ás 9 horas do exterior da piscina universitaria para dirixirse ata Avión en autobús e a volta está prevista ás 19.30 horas aproximadamente. As persoas interesadas en participar no itinerario poden consultar os prazos e tarifas de inscrición na web da Área Deportiva.