Saída dende a piscina universitaria
A Área Deportiva da USC ofrece no mes de decembro tres rutas de sendeirismo
O 10 de decembro a Área Deportiva da USC programa un percorrido polo concello de Xermade, situado na provincia de Lugo. A ruta prevista comeza en Cabreiros e transcorre durante uns quilómetros pola beira do río Trimaz ata a ponte Baxín, onde a expedición se afastará deste río para seguir o curso do Rego dos Caxigás e, máis adiante, rodear o monte do Espiño antes de emprender o descenso ata Cabreiros.
Case todo o percorrido vai entre bosques de ribeira e carballeiras, pasando por diferentes aldeas. É salientable o estupendo estado de conservación da meirande parte dos bosques e a fermosura dos mesmos.
O desnivel (pouco) está concentrado na segunda parte do itinerario, que en xeral non presenta dificultades, salvo as que podan causar a auga e a lama.
A expedición, guiada por Víctor Fidalgo, sairá ás 9.00 horas do exterior da piscina universitaria e a hora de finalización aproximada son ás 19.00 horas.
A información sobre os prazos de inscrición das distintas categorías, as tarifas e descontos para a comunidade universitaria nas actividades de sendeirismo está dispoñible na web da actividade. O programa de saídas e outra información relevante está dispoñible no portelo da Área Deportiva.