Seminario 'A investigación da Comunicación en Latinoamérica'

O grupo Novos Medios en colaboración co IDEGA organiza o seminario 'A investigación da Comunicación en Latinoamérica. Situación e desafíos', que impartirá o luns 28 de outubro a partir das 17.00 horas Andrés Cifuentes, da Corporación Escuela de Artes y Letras de Bogotá de Colombia. Será na Sala de Doutoramento da Facultade de Ciencias da Comunicación e a asistencia é libre e gratuíta previa inscrición.

Cifuentes, doutor en Comunicación e información contemporánea pola USC, conta con máis de quince anos de experiencia no ámbito da investigación e a creación, formando tamén estudantado neste ámbito desde a comunicación. É así mesmo autor de varios libros sobre xornalismo e comunicación, formación en radio cidadá e pódcast.