O reitor da USC, Antonio López, e a vicepresidenta de Aresa, Carlota López, asinan este martes o convenio para a convocatoria da edición 2023 do Premio Aresa de Desenvolvemento Rural
O reitor da USC, Antonio López, e a vicepresidenta de Aresa, Carlota López Pardo, asinan este martes 21 de novembro, ás 11.30 horas, na sala de prensa do Pazo de Montenegro, o convenio para a convocatoria da edición 2023 do Premio Aresa de Desenvolvemento Rural.
O vicerreitor de Organización Académica e Campus de Lugo, Francisco José Fraga López, tamén estará presente no acto, a través do que se pon en marcha o XXIV Premio Aresa de Desenvolvemento, un certame impulsado conxuntamente entre as dúas entidades co obxectivo de contribuír á mellora do grao de benestar das persoas que viven no medio rural.
O galardón, do mesmo xeito que en anteriores edición, conta cunha dotación económica de 10.000 euros, ademais de placa conmemorativa para a candidatura gañadora.