Evento organizado pola Asociación Socio-Cultural Italiana de Portugal Dante Alighieri (Comité Dante Alighieri de Porto), en colaboración co Comité Dante Alighieri de Vigo e a USC
A conferencia 'Tradurre senza tradire: A arte de anosar a Divina Commedia', impartida por Darío Xohán Cabana, constituirá unha oportunidade singular de achegarnos á 'Divina Commedia' a través da tradución de Cabana, que por esta obra recibiu o Premio Otero Pedrayo en Galicia e a Medalla de Ouro do Concello de Florencia.
A entrada é de balde aínda que, debido ás actuais limitacións de capacidade, agradécese a reserva previa por correo electrónico escribindo a dantesulcamminodisantiago [at] ladante.pt (dantesulcamminodisantiago[at]ladante[dot]pt).
O proxecto internacional 'Dante sul Cammino di Santiago' ten lugar no ano en que se celebran dous importantes aniversarios como o 700 aniversario da morte de Dante Alighieri e o Ano Santo Compostelán.
Esta iniciativa propón un itinerario que une Roma e Santiago nunha peregrinación cultural e que involucra a varios comités Dante Alighieri entre Portugal, Italia, España e Francia, xunto con numerosas institucións culturais dos países correspondentes.