Organizado polo Grupo de Divulgación Científica USCOPTICA-USCEPS
Con motivo do Día Internacional das Mulleres e as Nenas na Ciencia, a Facultade de Física da USC acollerá o venres, 11 de febreiro, a xornada 'Ultra -Violetas. Os retos da Muller na Ciencia', un programa de conferencias que contará coas intervencións de Ana Xesús López, presidenta do nodo galego da asociación de mulleres investigadoras e tecnólogas (AMIT); María de la Fuente, doutora en Farmacia, coordinadora e directora executiva de DIVERSA Technologies; Gudalupe Jiménez, profesora do departamento de Filosofía e Antropoloxía Social da USC; Mariama Mussa, doutora en Física; e Irene Romo, estudante de mestrado do CiQUS.
A sesión desenvolverase na Aula Magna da Facultade de Física das 16 ás 17.30 horas e será tamén retransmitida en directo a través de Twitch.