Escola Galega de Administración Pública (EGAP)
Poderanse coñecer os produtos xurdidos de diversas iniciativas empresariais
O VI Encontro de Emprendedoras Programa Emega desenvólvese este venres 22 na sede da Escola Galega de Administración Pública (EGAP) a partir das 10.00 horas. A apertura corre a cargo do reitor da USC, Antonio López, e da secretaria xeral de Igualdade, Sandra Vázquez.
Ás 10.30 horas comeza a mesa de emprendedoras referentes en Galicia en sectores coma as entidades de base científica xurdidas da USC, a artesanía, o cooperativismo e outras entidades de economía social, a cultura e os sectores artísticos, o comercio local ou entidades de servizos Participan na mesa a compositora e cantante Mercedes Peón, a música e escritora Cristina Pato, a directora xeral de Eferro, Elena Ferro; a fundadora e directora de The Beta Factor, Noelia Rodríguez; e a cofundadora e directora executiva de Diversa, María de la Fuente.
A directora xeral de Emprendemento e Apoio ao Emprego, Margarita Ardao, intervén ás 11.30 horas para falar sobre 'Os Polos de Emprendemento de Galicia: unha oportunidade para as emprendedoras'.
A partir das 12.15 horas ofrécense dinámicas presenciais de formación a cargo da doutora en Comunicación pola Universidade de Vigo, Mar Castro. Ás 13.00 horas ten lugar a clausura oficial do encontro pola consellería de Promoción do Emprego e Igualdade, Elena Rivo, tras a cal as autoridades visitarán na sala anexa ao Salón de Actos os postos de cada unha das emprendedoras para coñecer de primeira man as súas iniciativas empresariais.
Pola tarde, a partir das 15.30 horas haberá dinámicas presenciais de formación grupais e ás 17.00 horas finalizará o encontro.