Evento organizado pola Sección de Galicia da Sociedade Española de Estudos Clásicos en colaboración co Departamento de Filoloxía Clásica, Francesa e Italiana da USC
O 26 de maio entre as 16.00 e as 20.00 horas terá lugar a celebración das probas da 'VI Olimpíada de Tradución de Textos Clásicos'. Nesta olimpíada participarán estudantes de 1º e 2º de Bacharelato de centros de toda Galicia, que poderán concorrer libremente a unha ou a ámbalas dúas probas do concurso.
Cada proba consistirá na tradución do texto proposto, acompañada de análise morfolóxica e sintáctica dunha selección do dito texto que se sinalará oportunamente.
O acto solemne de entrega de premios e diplomas celebrarase previsiblemente ás 17.00 horas do martes 22 de xuño no Salón de Actos da Facultade de Filoloxía.