Este evento está a ser organizado polas tres universidades galegas, tres institucións educativas do Norte de Portugal (Instituto Politécnico de Viana do Castelo, Universidade Católica Portuguesa e o Instituto Politécnico de Bragança) e pola Escola Politécnica Superior de Zamora, onde se celebrará o evento.
Ao longo do tempo, este encontro foise afianzando e incrementando o número de participantes, desde que se celebrou por primeira vez en Santiago de Compostela ata a edición actual. Dende a USC, continúase apostando por apoiar a xuventude e o emprendemento, fomentando as relacións internacionais entre os discentes universitarios de España e Portugal e xerando oportunidades de inserción laboral, ademais do enriquecemento persoal que supón esta experiencia. A inscrición pode formalizarse ata o día 15 de marzo a través desta ligazón.