Casa do Saber
As persoas interesadas en participar no percorrido virtual polo xacemento mitraico e pola súa historia, que comezará ás 22.30 horas, poden retirar de balde as entradas nas Área de Cultura da Vicerreitoría de Lugo en horario de 10.00 a 13.00 horas
O arqueólogo Celso R. Cao, acompañado da música de zanfona de Germán Díaz, conducirán este xoves, a partir das 22.30 horas, desde a terraza da Casa do Saber, a terceira e última e das visitas musicadas á Domus do Mitreo organizadas ao abeiro do programa ‘Na Bocanoite’, unha iniciativa artellada desde a Área de Cultura da Vicerreitoría de Coordinación do Campus de Lugo para adaptar a programación desenvolvida no marco do convenio Lugo Cultural, que recibe financiamento de USC, Deputación e Concello de Lugo, á situación de nova normalidade provocada pola pandemia da COVID-19.
O arqueólogo e responsable da escavación deste xacemento mitraico, Celso R. Cao, acompañado nesta ocasión de Germán Díaz, conducirá, coa axuda de imaxes proxectadas na fachada lateral da Vicerreitoría de Coordinación do Campus de Lugo, unha visita virtual a través da historia e dos restos achados e conservados no xacemento mitraico actualmente musealizado.
As persoas interesadas en participar como público neste espectáculo, para o que se habilitará como patio de butacas o adro da catedral de Lugo, poden retirar de balde e desde este mércores as entradas nas oficinas da área de Cultura da Vicerreitoría de Coordinación do Campus de Lugo, de 10.00 a 13.00 horas. O aforo máximo é de 86 persoas e se quedan convites dispoñibles poderán retirarse na mañá do xoves en quenda de mañá.