A Representación do Estudantado da Escola Técnica Superior de Enxeñaría (ETSE) da USC organiza o 'Wii Games: Torneo Universitario' que se vai desenvolver na aula de Proxectos dese centro o mércores 13 e o xoves 14 de novembro. Trátase dun evento aberto para toda a comunidade da USC (estudantado, docentes, PTXAS...) de inscrición gratuíta que inclúe catro torneos: Just Dance (Wii) o 13 de novembro ás 12.00 horas e o 14 ás 14.00 horas; Wii Party, o 13 ás 13.00 horas e o 14 ás 15.00 horas; Wii Sports en parellas, o 13 ás 14.00 horas e o 14 ás 12.00 horas; e Wario Ware Smooth Moves (Wii) o 13 ás 15.00 horas e o 14 ás 13.00 horas.
As persoas interesadas poden decidir participar nun ou varios torneos. Ao finalizar cada un deles farase a entrega de premios. O aforo é limitado, de 32 persoas para Just Dance e Wii Party, e de 16 para os outros dous torneos.
