Salón de Graos
A sesión, a través da que se pretende introducir o estudantado universitario na RSE, desenvólvese este venres 17, a partir das 10.00 horas, no centro universitario lugués
A Facultade de Administración e Dirección de Empresas do Campus Terra da USC acolle este venres, a partir das 10.00 horas, no Salón de Graos do centro, unha xornada sobre Responsabilidade Social Empresarial (RSE), a través da que se busca introducir o estudantado universitario neste ámbito profesional.
A directora Xeral de Relacións Laborais da Consellería de Promoción do Emprego e Igualdade, Elena Mancha Montero de Espinosa; o decano da Facultade de ADE, Roberto Bande, e o delegado do reitor da USC para Transferencia do Coñecemento, Luis Otero, abrirán o programa dunha sesión que se prolongará en quenda de mañá.