Co lema 'Do descubrimento temperán á Química Terapéutica Translacional', o congreso reunirá unha nutrida relación de especialistas do ámbito, referentes na contorna estatal e internacional
A Sociedade Española de Química Terapéutica (SEQT), integrante da Federación Europea de Química Terapéutia (EFMC), organiza o seu XX Congreso Nacional que, baixo o título 'Do descubrimento temperán á Química Terapéutica Translacional', se desenvolverá do 19 ao 22 de xuño de 2022 na Facultade de Medicina da USC.
O programa científico incluirá conferencias plenarias e maxistrais, comunicacións orais, presentacións de pósters flash e sesións de pósters, que abarcarán temas candentes no descubrimento de fármacos con foco na química terapéutica translacional.
A sesión inaugural terá lugar o domingo 19 de xuño ás 17.30 horas no Salón de Actos da Facultade de Medicina, e contará coa presenza do reitor da USC, Antonio López Díaz.