O programa de actividades inclúe tamén o XIII Encontro Nacional de Docentes nesta especialidade.
A Facultade de Química acollerá do venres 6 ao domingo 8 de maio a última fase da Olimpíada Nacional de Química, un evento organizado polo Ministerio de Educación e Formación Profesional e a Real Sociedade Española de Química, que se enmarca no programa de actividades que conmemoran o centenario dos estudos nesta área a Universidade de Santiago de Compostela.
Ao abeiro desta 35ª edición, celebrarase tamén o XIII Encontro Nacional de Docentes de Química e a exposición Mulleres na Química.
As Olimpíadas de Química teñen como obxectivo estimular o alumnado de ensino secundario para buscar a excelencia na área da ciencia e promover a relación entre estudantado, profesorado e persoal científico de distintas partes do mundo. Poden participan todos os centros de secundaria, públicos e privados, que o desexen e todas as universidades a través de Coordinadores de probas de acceso á universidade.
A cerimonia de clausura celebrarase o domingo, día 8 de maio a partir das 11.30 horas na Aula Magna da Facultade e nela procederase á entrega de diplomas ao estudantado participante e a entrega de medallas ás persoas vencedoras da Olimpíada.
O acto contará coas intervencións do reitor da USC, Antonio López Díaz; o secretario Xeral de Universidades, José Alberto Díez de Castro; a directora xeral de Planificación e Xestión Educativa do Ministerio de Educación e Formación Profesional, Leticia de Frutos Sastre; o decano da Facultade de Química, Jesús Sanmartín Lobos; o presidente da Real Sociedade Española de Química, Antonio M. Echavarren; o presidente adConferencia Española de Decanos de Química, Manuel Chicharro Santamaria; o presidente da Sección Territorial de Galicia da RSEQ e a presidenta do comité organizador da Fase Nacional da Olimpíada e ex-decana da Facultade, Pilar Bermejo Barrera.