Santiago de Compostela
En liña
Encontro virtual de presentación do proxecto Yucunet no marco dos Erasmus Days
Ao abeiro dos Erasmus Days nos que a Axencia Executiva Europea da Educación e a Cultutra (EACEA) promociona os eventos cara á visibilización das actividades ao abeiro deste programa internacional, a rede YUCUNET programa o encontro virtual 'Yucunet creación dunha rede educativa e de investigación de arte contemporánea', que se desenvolverá o xoves 13 de outubro ás 19.30 horas a través de MS TEAMS.
O coordinador da rede, Federico López Silvestre ocuparase da presentación da iniciativa. A seguir, Iván Gudiño Gutiérrez explicará a experiencia da Universidade Autónoma do Yucatán como institución receptora de YUCUNET e haberá lugar tamén para un diálogo entre os socios e as persoas participantes no encontro.
YUCUNET
O Consorcio Erasmus + KA2 YUCUNET é unha iniciativa encamiñada ao desenvolvemento de programas de mestrado en Arte Contemporánea e Creación Cultural entre Europa e América que conta coa financiamento da Dirección Xeral de Educación e Cultura- EACEA da Unión Europea. Nel participan diferentes institucións académicas e culturais de Cuba, México Portugal e España cara á creación dunha rede de educativa de investigación e formación ás dúas beiras do Atlántico.