Aberto ata o 15 de novembro o prazo para participar nos premios Valedora do Pobo en materia de igualdade
O certame impulsado polas tres universidades públicas galegas recoñece os mellores TFG e TFM sobre igualdade e dereitos das mulleres
As tres universidades públicas galegas acaban de convocar xunto coa Valedoría do Pobo a terceira edición dos premios aos mellores traballos fin de grao (TFG) e traballos fin de mestrado (TFM) en materia de igualdade e dereitos das mulleres. Os traballos deberán ter sido lidos, defendidos ou xulgados e aprobados, segundo proceda, ante calquera universidade galega durante o curso académico 2021/22.
O prazo de presentación de solicitudes esténdese ata o 15 de novembro. Haberá dous premios, ao mellor TFG e TFM, dotados cada un con 1.000 euros e diploma acreditativo.