Aberto o prazo para solicitar a mobilidade a universidades españolas no curso 2015-2016

O alumnado dos campus de Santiago e Lugo que desexa optar a unha das 1.473 prazas de mobilidade que a USC oferta para 2015-2016 dentro do Sistema de Intercambio entre Centros Universitarios Españois (SICUE) xa pode formalizar a súa solicitude. Dispón de prazo ata o 28 de marzo. As persoas candidatas, que deben ser estudantes de grao na USC, terán que presentar a súa solicitude –cun máximo de tres universidades elixidas a través da secretaría virtual.