Achégate á Química!
Xornada de portas abertas no CiQUS
Os días 16 e 17 de decembro, de 17:00 a 20:30 horas, o CiQUS da USC celebra unhas Xornadas de Portas Abertas con experimentos e demostracións para público de todas as idades. As persoas asistentes poderán participar nun taller de experimentos lúdicos con demostracións espectaculares desenvolvidas por investigadores do propio centro ademais de realizar unha visita guiada ao edificio do CIQUS, que alberga algúns dos máis sofisticados equipos científicos.