Acto académico de apertura do curso 2009-2010 na Universidade de Santiago

O reitor da USC, Senén Barro, presidirá este venres, día 2 de outubro, o acto académico de apertura do curso 2009-2010 na Universidade de Santiago, nunha sesión que se vai celebrar a partir das 12:00 horas no Salón Nobre do Colexio de Fonseca.
Logo da lectura da Memoria correspondente ao pasado curso académico por parte da secretaria xeral da USC, Isabel García-Rodeja, o catedrático de Dereito Administrativo, José L. Carro Fernández Valmayor, pronunciará a lección maxistral deste curso titulada ‘Ética pública e normativa administrativa’.
Como novidade fronte a cursos pasados o reitor imporalle a Insignia Fonseca a trinta e tres integrantes da comunidade universitaria, nove deles do cadro de Persoal de Administración e Servizos e os restantes do Persoal Docente e Investigador. Para rematar a xornada, o reitor Senén Barro dará lectura ao seu discurso.

O acto de apertura poderá seguirse por internet, a través do enlace mms://mmedia.usc.es/curso2009_10.